1- 2 كوب أرز مغسول
2- كوب عدس بجبة
3- 4 كوب ماء
4- نصف كيلو مكرونة صغيرة
5- 2 بصلة متوسطة مقطعة شرائح لعمل التقلية
6- 4 معالق كبيرة زيت
7- ملح وفلفل
1- ثوم مفروم
2- 2 معلقة كبيرة زيت
3- كوب ونصف عصير طماطم
4- معلقة كبيرة خل
5- ملح وفلفل وشطة
1- نغسل العدس كويس جداً، ونضعه في مصفاة حتى تنزل ميته ، ثم ننقيه جيدا .
2- نضع الزيت في حلة على نار متوسطة لغاية ما يتقدح، ثم نضع البصل ونقلبه في الزيت لغاية ما لونه يبقى ذهبي أو بني فاتح.
3- نرفع البصل من على النار ونضعه على مناديل ورقية علشان تشرب الزيت.
4- نضع العدس في نفس الحلة اللي عملنا فيها البصل ، ونقلبه جيدا مع الزيت، ثم نغطيه بالماء ونتبله بالملح والفلفل، ثم نقلل درجة الحرارة ونسيبه لمدة 25 دقيقة أو لغاية ما يبدأ يستوي.
5- بعد كده نضيف الأرز ونقلبه جيدا مع العدس، ثم نتبله بالملح والفلفل والكمون، ونسيبه على نار هادئة لغاية ما يستوي ، وممكن نضيف ماء لو حسينا إنه محتاج .
6- في الوقت اللي الكشري والعدس بيستوا فيه، نسلق المكرونة ونصفّيها بعد ما تستوي ونسيبها على جنب.
1- نسخني الزيت على نار متوسطة، ثم نضيف عليه الثوم ونقلّبه في الزيت لمدة دقيقتين ، ثم نضيف عصير الطماطم ومعاه الملح والفلفل والشطة ، ونسيبها على نار متوسطة لغاية ما تبدأ في الغليان، وبعدين نهدي النار عليها ونسيبها لمدة 10 دقائق.
2- بعد كده نضيف الخل ونسيبه لمدة 5 دقائق كمان، أو لغاية ما نحس إن الصلصة استوت ، وبكده تكون جاهزة علشان نقدمها مع الكشري.
عند التقديم نضع الأرز والعدس الأول وعليهم كمية من المكرونة ، وعلى الوش نضع صلصة الطماطم والتقلية (البصل المحمر) ؛ وعلشان الوجبة تبقى متكاملة ممكن نقدّم معاها سلطة خضراء وبيض مسلوق والحمص .
ليست هناك تعليقات :
إرسال تعليق