سر تتبيلة الفراخ المشوية زي المطاعم بالظبط
• فرخة كاملة (1.2 – 1.5 كجم) أو مقطعة حسب الرغبة
• كوب زبادي
بصلة كبيرة مفرومة هناخد الماية فقط
حبة طماطم
• 3 ملاعق كبار خل
• 2 ملعقة كبيرة عصير ليمون
• 4 فصوص ثوم
• 1 ملعقة صغيرة بابريكا
• 1 ملعقة صغيرة كركم وكاري
١معلقة بهارات مشاوي او بهارات فراخ
• نصف ملعقة صغيرة فلفل أسود
• نصف ملعقة صغيرة شطة (اختياري)
• ملح حسب الذوق
• 2 ملعقة كبيرة زيت
معلقة عسل اسود
طريقة التحضير: 1. تجهيز التتبيلة:
• في بولة كبيرة، اخلطي ماية البصل والطماطم االزبادي مع الخل، الليمون، الثوم، البهارات، ، الزيت، والملح.
• قلبيهم كويس جدًا .
• اعملي شقوق بالسكينة في الفراخ عشان التتبيلة تدخل جواها.
• غلفي الفراخ بالتتبيلة من كل الجوانب كويس جدًا (وتحت الجلد كمان لو تقدري).
• غطيها وسيبيها في التلاجة من 4 ساعات على الأقل، والأفضل تبات ليلة كاملة.
3. التسوية في الفرن:
• سخني الفرن على حرارة 220 درجة مئوية.
• حطي الفراخ على شبكة او فالصينية لو تحبي ).
وسويها لمدة 45 دقيقة.
لو هتعمليها فصينية غطيها بفويل ولما تستوي شيلي الفويل وشغلي عليها الشواية
بعد ما تخرجيها غطيها فورا عشان تطري معاكي
لو حابة حركة الفحم اوك مش حابة براحتك
4. التقديم:
• قدميها مع أرز بسمتي، بطاطس مشوية، أو عيش وخضار مشكل.
رشة بقدونس عند التقديم وبالهنا 
ليست هناك تعليقات :
إرسال تعليق